E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Lajme

Presidenti Meta nuk humb kohë, dekreton menjëherë ministrat e rinj Bledi Çuçi dhe Milva Ekonomi

Presidenti Ilir Meta ka dekretuar menjëherë ministrat e rinj të kabinetit qeveritar BLedi Çuçi dhe Milva Ekonomi.

Një ditë pasi propozoi në postin e ministrit të Brendshëm, Bledi Çuçin dhe në krye të Ministrisë së Bujqësisë, Milva Ekonomin, kryeministri Edi Rama çoi për dekretim në Presidencë dy emrat e rinj, të cilët u dekretuar në kohë rekord nga kreu i shtetit.

Një ditë më parë, gjatë konferencës së përbashkët për shtyp me presidenten në detyrë të Kosovës, Vjosa Osmani kreu i shtetit, Ilir Meta iu përgjigj gazetarëve duke thënë se dekretimi i ministrave të rinj do të bëhej me urgjencë.

Bledi Çuçi zëvendëson në këtë post Sandër Lleshaj i cili pak ditë më parë dha dorëheqjen pas presionit të protestave që shpërthyen në vend në kërkim të drejtësisë për vrasjen e 25-vjeçarit Klodian Rasha nga një efektiv i ‘Shqiponjave’.

Pas dorëheqjen Lleshaj theksoi se e mbylli këtë kapitull të angazhimit të tij në krye të ministrisë së Brendshme “me brengë në shpirt për humbjen e padrejtë të jetës së një djali të ri, i qetë për trajtimin e drejtë të ngjarjes dhe krenar për vendosjen e një standardi diametralisht të kundërt me atë të autorëve të 21 janarit 2011”.

 

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑