Një plagosje me armë zjarri ështe regjistruar mbrëmjen e së premtes në qytetin e Sarandës. Mësohet se plagosja ka ndodhur rreth otës 21:15 në lagjen nr.4 ku për pasojë ka marrë plagë një person rreth moshës 50 vjeç.

Raportohet se i plagosuri është Thimjo Rubati i cili njihet edhe me emrin Sandri. Nga të dhënat e para dyshohet se autorët kanë qenë dy persona me skafandra, të cilët janë larguar nga vendngjarja me motomjet.

Ai është transportuar në Tiranë për mjekim të specializuar ku ndodhet në gjendje të rëndë. Mësohet se ai është me precedent penal të mëparshëm për trafik fëmijësh. Policia po vijon kontrollet intensive në zonë për identifikimin dhe kapjen e autorit/ve.

“Sarandë / Informacion paraprak. Rreth orës 21:15, në lagjen nr. 4, në Sarandë, në rrethana ende të paqarta, është plagosur me armë zjarri para biznesit të tij, shtetasi Th. R., 50 vjeç. Ai është transportuar në spital, ku po merr ndihmë mjekësore.

Shërbimet e Policisë kanë mbërritur menjëherë në vendngjarje dhe vijojnë kontrollet intensive në zonë për identifikimin dhe kapjen e autorit/ve. Nga të dhënat e para dyshohet se autorët kanë qenë dy persona me skafandra, të cilët janë larguar nga vendngjarja me motomjet.

Ndërkohë, grupi hetimor, nën drejtimin e Prokurorisë, po vijon veprimet në vendngjarje për zbardhjen e plotë të rrethanave të ngjarjes, si dhe për identifikimin dhe kapjen e autorit/ve”, njofton policia.