E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

“Nuk kam ndërmend të zgjedh pasardhësin”, Rama nis “Flasim”: Kur të dal nga ajo zyrë do shpëtoni nga mua

Kryeministri Edi Rama ka paralajmëruar rinisjen e podkastit të tij “Flasim”, me një intervistë ndryshe, ku Rama nuk do të jetë ai që drejton intervistën, por do t’u përgjigjet pyetjeve të drejtuara ndaj tij.

Në fragmentet e publikuara për të prezantuar episodin, kryeministri ndalet te disa prej temave më të diskutuara të aktualitetit politik, mes tyre Ishulli i Sazanit, SPAK-u, drejtimi i Bashkisë së Tiranës dhe e ardhmja e tij politike.

Një prej deklaratave të Ramës lidhet me pasardhësin e tij politik. Ai shprehet se nuk ka ndërmend të zgjedhë një person që do ta pasojë në drejtimin politik.

“Ai që të sfidon dhe bëhet pasardhës, ai duhet të të vrasë. Unë personalisht nuk kam ndërmend të zgjedh pasardhës. Në momentin që unë do të kaloj pragun e asaj dere, do të shpëtoni nga unë”, deklaron Rama.

Kryeministri ka komentuar gjithashtu situatën në Bashkinë e Tiranës, duke e cilësuar drejtimin aktual si një “eksperiment social, politik dhe ekonomik”.

“Bashkia nuk ka kokë. Është një eksperiment social, politik dhe ekonomik që një kryeqytet të drejtohet pa kokë”, shprehet ai.

Sa i përket Sazanit, Rama ka rikthyer në vëmendje qëndrimin e tij për projektin e zhvillimit të ishullit, duke theksuar se prona do të mbetet në pronësi të Shqipërisë.

“Ata nuk po blejnë ishullin, as nuk po marrin pronësinë mbi ishullin. Ai ishull do të jetë pronë e Shqipërisë. Nuk jam shitësi i Shqipërisë”, thotë kryeministri.

Rama ka folur edhe për SPAK-un, duke e kritikuar për mënyrën se si, sipas tij, janë përdorur mediat në raport me personat që më pas janë marrë nën akuzë.

“Kjo është një nga gjërat më të këqija që ka bërë SPAK-u, që ka përdorur mediat për të baltosur ata që do të merrte nën akuzë. Kjo nuk bëhet”, deklaron ai.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑