E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Ngordhje masive peshqish në Gjinikas të Maliqit, banorët: Fenomeni përsëritet sa herë hapen portat e HEC-it

Një ngordhje masive peshqish është konstatuar në rezervuarin e fshatit Gjinikas, në Bashkinë Maliq, ku qindra peshq të ngordhur kanë mbuluar sipërfaqen e ujit, duke shkaktuar shqetësim te banorët e zonës.

Sipas banorëve, kjo situatë nuk është e re, por përsëritet sa herë hapen portat e hidrocentralit. Ata pretendojnë se ndryshimet e menjëhershme të prurjeve të ujit po ndikojnë negativisht në ekosistemin ujor dhe po shkaktojnë dëme të konsiderueshme në faunën e rezervuarit.

Pamjet nga vendngjarja tregojnë një numër të madh peshqish të ngordhur në ujë, ndërsa banorët u bëjnë thirrje institucioneve përgjegjëse të ndërhyjnë për të verifikuar shkaqet e fenomenit dhe për të parandaluar përsëritjen e tij.

Sipas ekspertëve të mjedisit, ngordhja masive e peshqve mund të lidhet me disa faktorë, si ndryshimet e menjëhershme të prurjeve të ujit, ulja e nivelit të oksigjenit të tretur, lëshimi i sedimenteve ose ndryshimet e temperaturës së ujit. Megjithatë, shkaku i saktë mund të përcaktohet vetëm pas analizave laboratorike të ujit dhe verifikimeve nga institucionet kompetente.

Banorët kërkojnë që Agjencia Kombëtare e Mjedisit, Inspektorati i Mjedisit dhe institucionet e tjera përgjegjëse të kryejnë hetimet e nevojshme për të zbardhur rrethanat e kësaj ngjarjeje dhe të marrin masat përkatëse nëse konstatohen shkelje.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑