E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Ndarja e re territoriale, banorët e Juglindjes: Mos shkrini asnjë bashki

Është mbajtur në Korçë komisioni për hartën e re territoriale, takim që nuk ka kaluar pa debate të forta mes simpatizantëve të të dyja partive.

Pjesëmarrësit në këtë takim janë shprehur se asnjëra nga bashkitë e Korçës, Maliqit, Pogradecit, Kolonjës, Devollit dhe Pustecit nuk duhet të shkrihen.

Sipas tyre, zonat do të dëmtohen në rast se një banor nga Maliqi shkon të marrë shërbim në Korçë apo anasjelltas.

“Bashkia e Devollit nuk kërkon ndarje për reformën e re administrative. I gjithë populli i bashkisë Devoll është unison për të mbrojtur si bashki me vete”, thotë një banor.

“Në reformën e 2014 u bë padrejtësi e madhe, u bashkua bashkia e Leskovikut me Ersekën. Nuk ka pasur asnjë lidhje. Ata njerëz e humbën shërbimin. Mua më shqetëson fakti a do ekzistojë bashkia Kolonjë apo jo? Nëse Leskovikut i ka mbetur vetëm posta, edhe stema e bashkisë Kolonjë do jetë e njëjta gjë”, shprehet një tjetër.

Në takimin e mbajtur në Korçë, Arbër Mazniku dhe Luçiano Boçi kanë folur për mediat edhe për situatën politike dhe protestat në vend, ku socialisti i konsideron normale në një vend demokratik, ndërsa demokrati Boçi thotë se nuk mund të diskutohet për ndarje të re administrative kur populli është në rrugë duke protestuar.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑