Një lajm i mirë vjen nga Turqia, ku një familje 6-anëtarëshe është mundur të shpëtohet pas 100 orësh nën rrënoja.

Ekipet e kërkim shpëtimit kanë nxjerrë gjashtë të afërmit nga rrënojat, më shumë se 101 orë që nga momenti i tërmetit të parë që goditi vendin.

Familja mbijetoi duke u grumbulluar në një xhep të krijuar brenda një ndërtese të shembur në Iskenderun.

“Mrekullitë ekzistojnë”- tha Murat Baygul, një punonjës kërkimi dhe shpëtimi.

Tërmeti me magnitudë 7.8 ballë, ra në orët e para të mëngjesit të së hënës pranë qytetit të Gaziantepit, në jug të Turqisë. Disa orë më vonë, ndërsa njerëzit ishin ende në kërkim të të mbijetuarve në rrënoja, pati një tërmet me përmasa të ngjashme, 100 km në veri.

Intensiteti i lëkundjeve rrëzoi gjithashtu blloqe kullash dhe ndërtesa publike në veri të Sirisë dhe u ndje deri në Qipro dhe Liban.

Si pasojë e tërmetit janë raportuar aktualisht mbi 21 viktima, ndërkohë që numri i tyre pritet të rritet për shkak të numrit të madhe të personave që ndodhen ende nën rrënoja.