E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Ministri i Brendshëm reagon pas protestës: Opozita përpjekje për të penguar rrugën evropiane të vendit

Ministri i Brendshëm, Besfort Lamallari, ka reaguar në rrjetet sociale pas protestës së zhvilluar para Kuvendit, duke akuzuar opozitën për përpjekje për të nxitur tensione dhe për të penguar rrugën evropiane të Shqipërisë.

Në një postim të shoqëruar me pamje nga protesta, Lamallari shkruan se skenarët për destabilizimin e vendit janë të destinuar të dështojnë, ndërsa thekson se institucionet do të vijojnë të garantojnë rendin, sigurinë dhe funksionimin normal të jetës demokratike.

“Qëllimet ogurzeza t’i harroni! Ata që dje sokëllinin për skenarë gjakatarë të thikave me helm dhe çadrave pistoletë, pasi vranë me pushkët e shtetit në mes të ditës qytetarë të pafajshëm, sot vënë kujën në Kuvend, pasi kanë fshehur dorën e gurëve që hidhen pas shpinës së vetë protestuesve”, shkruan Lamallari.

Ministri shton se bëhet fjalë për “të njëjtin soj politikanësh”, të cilët, sipas tij, në mungesë të mbështetjes qytetare, po përpiqen të pengojnë procesin e integrimit evropian të vendit.

“Në dëshpërim të thellë nga braktisja masive që u kanë bërë shqiptarët, gënjejnë veten se mund të mbajnë peng, me molotovarë dje e kapuçzinj sot, të ardhmen evropiane të Shqipërisë”, shprehet ai.

Në përfundim të reagimit të tij, Lamallari thekson se procesi i integrimit të Shqipërisë në Bashkimin Evropian është i pakthyeshëm.

“Nuk ka kthim pas drejt rrugës evropiane të Shqipërisë”, përfundon ministri i Brendshëm.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑