E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Ministri Hoxha në Dublin: Shqipëria ka hyrë në fazë vendimtare për anëtarësimin në BE

Ministri për Evropën dhe Punët e Jashtme, Ferit Hoxha, deklaroi se Shqipëria ka hyrë në një fazë vendimtare të procesit të anëtarësimit në Bashkimin Evropian.

Hoxha mori pjesë në takimin informal të Ministrave për Çështjet Evropiane në Dublin, ku në fokus ishte zgjerimi i BE-së, reformat dhe forcimi i kapaciteteve administrative.

Ministri theksoi se Shqipëria duhet të ruajë ritmin e reformave dhe momentum-in e negociatave, ndërsa kërkoi më shumë koordinim me strukturat e Komisionit Evropian.

“Vullneti i fortë politik është i domosdoshëm. Ne po përparojmë në çdo çështje, në çdo sektor dhe përmes çdo reforme”, u shpreh Hoxha.

Ai pranoi se vijojnë të jenë sfidë forcimi i sundimit të ligjit, menaxhimi i mbetjeve dhe ujërave, cilësia e ajrit, infrastruktura mjedisore dhe siguria ushqimore.

“Këto sfida kërkojnë koordinim të fortë, angazhim afatgjatë dhe investime të konsiderueshme. Bashkëpunimi ynë duhet të bëhet më operacional, më konkret dhe më i qëndrueshëm”, tha ministri.

Hoxha kërkoi gjithashtu që ekspertët shqiptarë të lidhen më ngushtë me strukturat dhe proceset e punës së Komisionit Evropian, me qëllim forcimin e kapaciteteve administrative dhe njohjen më të mirë të funksionimit të institucioneve të BE-së.

“Ambicia jonë është e qartë, planet tona të punës janë realiste dhe vendosmëria jonë e fortë. Ne do të vazhdojmë të japim rezultate dhe presim të njëjtin angazhim nga Bashkimi Evropian”, përfundoi Hoxha.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑