Ali Kapxhiu nga Lushnja vuan prej 9 vjetësh nga diabeti dhe i është drejtuar emisionit “Stop”, pasi prej një muaji në spitalin e Lushnjës mungon reagenti për analizën e hemoglobinës së glukozuar.Pa këtë analizë, mjekja e familjes, nuk i jep recetën për insulinën dhe gjëndja e tij është e rënduar. Aliu tregon, se nuk ka të ardhura, që këtë analizë ta bëjë në privat.Infermierja në spital i thotë, se nuk dihet, se kur mund të vijë reagenti. E vetmja zgjidhje është, që ta njoftojnë, kur të vijë.Ndrësa nga drejtoria përgjigjen, se ka patur mungesë të këtij reagenti për një kohë të gjatë, por emrat janë mbajtur shënim dhe shumë shpejt reagenti do të tërhiqet nga farmacitë.