E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

“Dyfisho sipërmarrjen tënde”, Rama: Programi më ambicioz i qeverisë për bizneset e vogla

Kryeministri Edi Rama foli këtë të premte në prezantimin e programit “Dyfisho sipërmarrjen tënde”, të cilin e cilësoi si programin më ambicioz të mbështetjes së qeverisë për bizneset e vogla dhe të mesme.

Rama theksoi se programi nuk është vetëm një linjë kredie, por një proces më i gjerë ku përfshihen disa institucione, mes tyre Ministria e Financave, Ministria e Bujqësisë dhe Ministria e Kulturës dhe Turizmit.

Sipas tij, një fokus i veçantë do t’i kushtohet agro-përpunimit, turizmit dhe mbështetjes së shoqërive të përbashkëta në zonat rurale.

“Ky program, kjo linjë kredie, është menduar për të vegjlit dhe të mesmit, jo për sipërmarrjet e mëdha, të cilat nuk do të kenë mundësi të kenë akses në këtë program. Që të jemi të qartë, ua kemi mbyllur shtigjet të mëdhenjve në këtë projekt. Programi ka një tavan prej 2 milionë eurosh, që është shumë e konsiderueshme dhe do ketë gjithë mbështetjen tonë në mënyrë sistematike. Ky është një instrument, që qeveria përdor, për të ndihmuar bizneset edhe psikologjikisht. Ne jemi gati të shkojmë deri në 1 miliard euro mbështetje. 1 miliard euro për sipërmarrjen e vogël dhe të mesme, që askush mos të thotë se nuk kam mbështetje financiare, për të bërë plan. Ama duhet të ketë plan. Këto janë para njësoj si ato që vijnë nga BE. Kushdo që ka një ide biznesi, të aplikojë e do marrë 2 milionë euro me kredi me interes vetëm 2-3 përqind. Do ngremë një Task Forcë, për të parë se ku programi ka nevojë për më shumë ndërhyrje nga ana ekonomike”, u shpreh Rama.

Duke u ndalur te bashkëpunimi mes qeverisë, Bankës së Shqipërisë dhe bankave të nivelit të dytë për realizimin e këtij programi, Rama tha se synimi është t’u jepet mundësi ndërmarrjeve të vogla dhe të mesme që të rriten dhe të dyfishojnë aktivitetin e tyre.

“Të gjithë kemi vënë në dispozicion të sipërmarrjes, sepse ka qenë themelore që ne, nga ana jonë si qeveri e Shqipërisë, të kishim bashkëpunimin dhe vullnetin e Bankës së Shqipërisë dhe më pas edhe të bankave të nivelit të dytë, të cilat, për hir të së vërtetës, të paktën me fjalë, na kanë garantuar se do të bëjnë pjesën e tyre për suksesin e këtij programi”, tha Rama.

Kryeministri kritikoi bankat për atë që e cilësoi si një “zonë komforti”, duke kërkuar prej tyre një rol më aktiv në mbështetjen e biznesit.

“Bankat janë futur në një zonë komforti të jashtëzakonshme, ndërkohë që të gjithë të tjerët luftojnë për të fituar. Bankat fitojnë pa luftuar. Me këtë program synojmë t’u japim krah ndërmarrjeve të vogla dhe të mesme që të dyfishohen dhe të rriten”, u shpreh Rama.

Ai falënderoi guvernatorin e Bankës së Shqipërisë për rolin e tij në këtë projekt, ndërsa kërkoi që bankat të nxirren nga kjo “zonë komforti” përmes një angazhimi më të madh.

Rama bëri të ditur gjithashtu se në këtë proces do të angazhohet edhe Programi i Kombeve të Bashkuara për Zhvillim (UNDP), përmes ekspertëve ndërkombëtarë që do të asistojnë bizneset me ide dhe plane zhvillimi, por që nuk kanë kapacitetin për t’i paraqitur ato në mënyrë bindëse për financim.

Sipas kryeministrit, Ministria e Ekonomisë do të ketë rolin e koordinimit mes bizneseve dhe grupit të ekspertëve, ndërsa është vënë në dispozicion edhe një platformë online për komunikimin me sipërmarrjet.

“Website-i është menduar si një mekanizëm komunikimi dhe ndërveprimi të shpejtë, por edhe si një urë që do të lehtësojë ndjekjen e ecurisë së këtij programi”, tha Rama.

Ai shtoi se do të zhvillohet edhe një cikël takimesh në territor për të kontaktuar bizneset e interesuara dhe për të nxitur përfshirjen e tyre në program.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑