E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Lundronin pranë pushuesve, gjobiten dy drejtues mjetesh ujore në Vlorë

Policia Kufitare e Vlorës ka gjobitur dy persona, ndërsa u ka bllokuar edhe mjetet e tyre ujore, pasi dyshohet se kanë lundruar pranë bregut duke rrezikuar sigurinë e pushuesve.

Sipas njoftimit të policisë, një nga rastet është evidentuar në plazhin e Semanit, ku një mjet lundrues tip “Jet Ski” është konstatuar duke lëvizur në afërsi të bregut, duke krijuar rrezik për pushuesit. Drejtuesi i mjetit, shtetasi E. D., është ndëshkuar me masë administrative prej 500 mijë lekësh të rinj, si dhe i është bllokuar mjeti lundrues.

Një tjetër rast është konstatuar në zonën e quajtur “Plazhi i Hidrovorit”, ku shërbimet e Policisë Kufitare kanë evidentuar një mjet lundrues tip gomone që lëvizte në mënyrë të paligjshme pranë pushuesve. Nga verifikimet rezultoi se drejtuesi i mjetit, shtetasi J. H., nuk dispononte dokumentacionin përkatës.

Për këtë shkelje, ndaj tij është vendosur një gjobë prej 510 mijë lekësh të rinj dhe është kryer bllokimi administrativ i mjetit lundrues.

Policia e Shtetit u ka bërë apel përdoruesve të mjeteve ujore dhe subjekteve që operojnë me to që të respektojnë rregullat e lundrimit dhe perimetrat e sigurisë, duke paralajmëruar masa të menjëhershme ndaj çdo shkeljeje.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑