E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Kryebashkiaku Tavo inspekton zonën e Manastirit të Athalit: Vijon evidentimi i dëmeve nga zjarri në Himarë

Kryebashkiaku i Himarës, Vangjel Tavo, ka vizituar sot zonën e Manastirit të Athalit, për të parë nga afër dëmet e shkaktuara nga zjarri i madh.

Përmes një postimi në rrjetet sociale, Tavo bëri me dije se vijojnë inspektimet në terren, zonë më zonë, për të evidentuar dhe dokumentuar pasojat e zjarrit.

“Sot ishim në zonën e Manastirit të Athalit, një vend me rëndësi të veçantë për banorët e zonës. Së bashku me ekipet në terren inspektuam zonën dhe verifikuam dëmet e shkaktuara. Nga evidentimi i deritanishëm, në këtë zonë janë konstatuar kryesisht djegie të shkurreve, pa dëmtime të tjera ekonomike të raportuara. Puna do të vijojë gjatë gjithë javës, zonë më zonë, për evidentimin dhe dokumentimin e plotë të dëmeve, përfshirë ullinjtë e djegur dhe pasojat e tjera në mjedis”, shkruan Tavo.

Kryebashkiaku theksoi se prania në terren do të vijojë çdo ditë, me qëllim evidentimin e plotë të situatës dhe rikthimin e normalitetit në zonat e prekura nga zjarri.

“Jemi në terren dhe do të vijojmë të jemi pranë çdo banori dhe çdo zone të prekur!”, shkroi Tavo.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑