Kishte vjedhur një derë alumini në Berat, kapet 21-vjeçari i shpallur në kërkim – Stop
Aktualitet, Të Gjitha

Kishte vjedhur një derë alumini në Berat, kapet 21-vjeçari i shpallur në kërkim

Një 21-vjeçar i shpallur në kërkim për grabitjen e një dere alumini nga një shtëpi si dhe për tentativë për të grabitur 2 makina më datë 15 maj ka rënë sot në prangat e policisë.

Mësohet se i arrestuari është identifikuar me inicialet R. L., 21 vjeç dhe është banues në lagjen “Uznovë”, Berat.

Njoftimi i policisë

Berat- Vijon puna për kapjen dhe ndalimin e shtetasve të shpallur në kërkim.

Kapet dhe ndalohet 1 shtetas i shpallur në kërkim për veprën penale “Vjedhja”.

Zbardhen 3 raste të vjedhjes që dyshohet se janë kryer nga ky shtetas.

Në vijim të punës për kapjen dhe vënien para përgjegjësisë ligjore të shtetasve të shpallur në kërkim, specialistët e Seksionit për Krimet në Komisariatin e Policisë Berat bënë të mundur kapjen dhe ndalimin e shtetasit R. L., 21 vjeç, banues në lagjen “Uznovë”, Berat.

Ky shtetas dyshohet si autor i 3 ngjarjeve, konkretisht: në datën 18.05.2022, ka vjedhur një derë alumini, në banesën e shtetases F.A., në lagjen Uznovë; në datën 15.05.2022, ka tentuar të vjedhë në 2 automjete, pasi u ka thyer xhamat.

Materialet hetimore janë referuar në Prokurorinë pranë Gjykatës së Rrethit Gjyqësor Berat, për veprime të mëtejshme.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *