E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Kapet në Tiranë 48-vjeçari i dënuar me 13 vjet burg në Itali për shfrytëzim prostitucioni (EMRI)

Drejtoria e Forcës së Posaçme Operacionale ka finalizuar operacionin policor të koduar “FAST”, në kuadër të të cilit është lokalizuar dhe arrestuar në Tiranë një shtetas i shpallur në kërkim ndërkombëtar nga autoritetet italiane.

Në pranga ka rënë Bekim Nikolli, 48 vjeç, banues në Tiranë, i cili u arrestua në zonën e Institutit Bujqësor me qëllim ekstradimin drejt Italisë.

Sipas Policisë së Shtetit, arrestimi u bë i mundur falë shkëmbimit të informacioneve mes FAST Albania dhe FAST Itali, si dhe punës operacionale të strukturave për kërkimin e personave në kërkim ndërkombëtar.

Autoritetet bëjnë me dije se Nikolli ishte shpallur në kërkim ndërkombëtar, pasi Gjykata e Apelit e Napolit e ka dënuar në nëntor të vitit 2021 me 13 vjet burgim për veprat penale të “Shfrytëzimit të prostitucionit” dhe “Skllavërimit/Nënshtrimit”, sipas legjislacionit penal italian.

Sipas autoriteteve italiane, ai, në bashkëpunim me persona të tjerë, shfrytëzonte për prostitucion gra të futura në mënyrë të paligjshme në Itali. Gjithashtu, dyshohet se ushtronte dhunë ndaj tyre për të maksimizuar fitimet nga shfrytëzimi dhe për t’i mbajtur nën kontroll.

Interpol Tirana po vijon procedurat për ekstradimin e 48-vjeçarit drejt Italisë.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑