Disa njerëz janë me të vërtetë “magnete mushkonjash” dhe ndoshta ka të bëjë me mënyrën se si ato nuhasin, sugjeron një studim i ri.

Shkencëtarët në Shtetet e Bashkuara zbuluan se njerëzit që janë më tërheqës për mushkonjat prodhojnë kimikate të caktuara në lëkurën e tyre që janë të lidhura me erën dhe i bëjnë ato të papërmbajtshme për gjakpirësit, shkruan Euronews.

“Nëse keni nivele të larta të kësaj lënde në lëkurën tuaj, ju do të jeni ai që ‘ha’ të gjitha pickimet”, tha autorja e studimit Leslie Vosshall, një neurobiologe në Universitetin Rockefeller në Nju Jork.

Ka shumë gojëdhëna se kush pickohet më shumë, por shumë pretendime nuk mbështeten me prova të forta, tha ajo.

Për të vënë në provë tërheqjen e mushkonjave, kërkuesit projektuan një eksperiment që vendos aromat e njerëzve kundër njëri-tjetrit, shpjegoi autorja e studimit Maria Elena De Obaldia. Gjetjet e tyre u publikuan të martën në revistën Cell.