E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Inspektorati Kombëtar për Mbrojtjen e Territorit shëmb ndërtimin pa leje në Karaburun

Inspektorati Kombëtar për Mbrojtjen e Territorit, IKMT ka dalë me një noftim zyrtar lidhur me shembjen e një objekti pa leje në Karaburun. IKMT në njoftim bën me dije se në bashkëpunim me Drejtorinë e Policisë dhe strukturat e Inspektoratit Ndërtimor të Bashkisë Vlorë ndërhynë në Karaburun për të përfunduar prishjen një “beach bar”.

Gjatë kontrollit të kryer nga IKMT u konstatua se personi i identifikuar me inicialet O.Sh kishte ndërtuar ngritje strukturash të përkohshme, pedana dhe pasazhe me strukturë druri të realizuara mbi trarë mbajtës të vendosur në formacione shkëmbore.

Ndërhyrja rezultoi të ishte kryer pa dokumentacionin e përcaktuar në ligj, në zonë të mbrojtur dhe në vijë bregdetare me sipërfaqe totale 950.18 m2. Për rastin, IKMT vijoi me marrjen e masës administrative gjobë dhe vendimin për prishjen e objektit të kundërligjshëm.

Pasi ju komunikua vendimi, pak muaj më parë, subjekti filloi çmontimin dhe u dakordësua për një afat prishjeje vullnetare. Ndërkaq, konsumoi edhe procedurën e ankimit pranë Inspektoratit të Përgjithshëm i cili la në fuqi masat e marra nga IKMT-ja.

IKMT u rikthye sot në terren për të kryer prishjen e plotë të objektit. Më tej në njoftim bëhet me dije se për shkak të vështirësisë së terrenit, aksesit vetëm nga krahu i detit dhe pamundësisë së hyrjes me eskavator, IKMT bashkërëndoi punën me Inspektoratin Ndërtimor të Bashkisë Vlorë për kryerjen e çmontimit të strukturave.

Gjithashtu këtë të martë u vu në pranga njëri prej ndërtuesve, S. D. ndërsa ortaku i tij, O. Sh., u shpall në kërkim. Autoritetet po vijojnë punën për kapjen e tij.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑