E Diel, 22 Nëntor 2026
Lajm i fundit
“Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit Ishte nën hetim vrasjen e gjyqtarit Paolo Borsellino, vret veten ish-kreu i policisë italiane
RRETH STOP

Historiku i “Stop”.

Emisioni “Stop” është një format televiziv satiriko-investigativ, që shënjestron fenomene negative dhe jep zgjidhje për shumë probleme të shoqërisë sonë. Humori, sarkazma dhe denoncimi janë shpirti, i programit, që shfaqet cdo mbrëmje, nga e hëna në të premte, në orën 20.05 në ekranin e Televizionit Kombëtar KLAN.

Për realizimin e programit, punojnë dhjetëra të rinj ndër më profesionistët në tregun mediatik: gazetarë, kameramanë, teknikë, montazhierë, shoferë, regjisorë, e qershia mbi tortë mund të konsiderohen dy “fllonxat” tona, ndër vajzat më të bukura dhe sharmante të trojeve shqiptare.

“Stop” nisi rrugëtimin në 04.01.2016 dhe rezultoi “goditje në shenjë” qysh në emisionin e parë. Kamera e fshehtë shkaktoi tërmet në zyrat e administratës, coi zyrtarë në pranga dhe zuri hapësirë të konsiderueshme në pasqyrimin, që i bëri media e shkruar, elektronike dhe të gjitha portalet on line.

Kamerat e fshehta të “Stop” u bënë shpejt elementi kryesor lëvizës në shoqëri dhe promotor ndryshimesh në zyra shteti, institucione apo procedura burokratike.

Investigimi nga ana e gazetarëve është i pranishëm në cdo program dhe më së shumti problemet e ngritura, marrin zgjidhje dhe nuk mbeten thjesht në nivelin e denoncimit. Aq e vërtetë dhe e ndjeshme është kjo, sa qytetarët shprehen, se gjejnë vëmendje, mbështetje dhe zgjidhje nga emisioni “Stop”, më shumë sesa nga zyrat e zyrtarët e shtetit dhe gjyqësorit.

Humanizmi për kategoritë më vulnerabël të shoqërisë, si të varfër, të sëmurë e të pamundur, e kanë bërë emisionin “Stop” të hyjë në shtëpitë e gjithë shqiptarëve brenda dhe jashtë Shqipërisë.

Profesionializmi, dhe ndershmëria në trajtimin e problemeve janë motorri, që vë në lëvizje gazetarët dhe stafin e emisionit cdo ditë.

Janë këto arsyet, që “Stop” rezulton programi më i ndjekur nga kompanitë e matjes së audiencës apo nga të tjera kompani, që bëjnë studime tregu për qëllime të orientimit të marketingut të tyre.

Stop realizon rreth 220 programe në një sezon televiziv shtator-korrik.

Jo më kot kemi zgjedhur sloganin: “Stop” –punohet “Non stop”.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑