E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Has, goditet lokali i lojërave të fatit! Sekuestrohen 10 makineri pokeri! Në kërkim pronari, arrestohet punonjësi 47-vjeçar

Një tjetër rast i organizimit të paligjshëm të lojërave të fatit është zbuluar në Has, ku policia ka sekuestruar 10 makineri elektronike, një tavolinë pokeri dhe sende të tjera që dyshohet se përdoreshin për këtë aktivitet.

Në kuadër të operacionit policor të koduar “Pokeri”, shërbimet e Komisariatit të Policisë Has, në bashkëpunim me Sektorin për Hetimin e Krimeve në Drejtorinë Vendore të Policisë Kukës, arrestuan në flagrancë një 47-vjeçar, banues në Krumë, i cili punonte në lokal.

Ndërkohë, pronari i lokalit, një 34-vjeçar, banues në Krumë, është shpallur në kërkim nga policia.

Gjatë kontrollit në ambientet e lokalit, uniformat blu sekuestruan 10 makineri elektronike të markës “APEX”, një tavolinë pokeri, fletore me shënime për evidentimin e shumave të luajtura dhe një aparat celular.

Sipas policisë, lokali ishte përshtatur për zhvillimin e lojërave të fatit në kundërshtim me ligjin. Autoritetet po vijojnë punën për kapjen e pronarit dhe dokumentimin e plotë të aktivitetit.

Materialet procedurale i janë referuar Prokurorisë së Kukësit për veprat penale “Fshehja e të ardhurave”, “Mospagimi i taksave dhe i tatimeve”, “Organizimi ose ushtrimi i veprimtarisë së lojërave të fatit në kundërshtim me ligjin” dhe “Vënia në dispozicion e lokaleve për lojëra të palejuara”.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑