IGUMENICË
Autoritete greke kanë bllokuar 42 kg marijuanë në kufirin greko-shqiptar. Ky operacioni u zhvillua në rrugën periferike Rajo-Kestrini mbrëmë në darkë në Igumenicë.

Policia ka arrestuar dy shtetas shqiptarë, që transportonin në këmbë 3 çanta që përmbanin 30 pako me 42 kg marijuanë. Gazetarja e “BalkanWeb”, Shpresa Dine raporton se të arrestuarit janë identifikuar si Kledjan Haxhi Zherri, 23-vjec nga Fushë Kruja dhe Madrit Gezim Meta, 21-vjec nga Labinot Fushë i Elbasanit.

Prej fillimit te vitit policia greke ka sekuestruar kryesisht pranë kufirit por edhe ne zona te tjera, rreth 10.3 ton marijuanë, sasi kjo e cila dyshohet se vinte nga Shqipëria. Policia ka dyshime të forta se të arrestuarit mund të jenë  përdorur nga grupe kriminale pasi dy të rinjtë nuk ishin në marrëdhënie pune.