E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Fermeri nga Postriba realizon vargun 110 metra me qepë mbi Urën e Mesit

Kjo e mërkurë ishte një ditë e veçantë për banorët e Postribës. Fermeri Kujtim Plangaj, me ndihmën e disa bashkëpunëtorëve, realizoi një varg prej 110 metrash me qepë të kultivuara në zonë, të cilin e ekspozoi përgjatë Urës së Mesit. Nisma synon të regjistrohet si një sfidë për Rekordin Botëror Guinness.

“Ndjehem shumë i lumtur kur po shoh dhe këtë masivitet njerëzish që po më përkrahin. Në rradhë të parë falenderoj Zotin që premtimin që bana para 3 vitesh e mbajta dhe e bana realitet. As nuk më dhimbet mundi hiç. Unë e përfundOva me fondet e mia. Jam shumë I lumtur, Ia dedikoj Postribës time të dashur”, tha Kujtim Plangaj, fermer nga Postriba.

Për Kujtim Plangajn, rekordi nuk është vetëm një arritje personale, por edhe një mënyrë për të promovuar Postribën, turizmin dhe qepën autoktone të zonës, e njohur prej brezash për cilësinë dhe shijen e saj.

“Asht e rëndësishme sepse asht qepë 300 vjeçare. Asht qepë autoktone, asht qepë number one në botë për shije. Këtë iniciative e kora për qepën e Drishtit, për respekt të zonës tonë që jena zonë punëtore. Asht një gja që peshon shumë në fakt. Afërsisht një javë, 5 ditë, me 4-5 punëtorë në ditë, por ja vlejti ky mund, ja vlejti”, shtoi Plangaj.

Nisma tërhoqi vëmendjen e turistëve vendas dhe të huaj, të cilët u ndalën pranë Urës së Mesit për të parë nga afër vargun gjigant të qepëve, duke e vlerësuar si një mënyrë origjinale për promovimin e traditës dhe turizmit.

“Shumë e bukur, fantastike, urime. Vizituam këtë dhe pamja ishte spektakolare”, shprehen ata.

Përmes kësaj nisme, banorët synojnë të promovojnë vlerat bujqësore, traditën dhe potencialin turistik të Postribës. Ata shpresojnë që vargu 110 metra i gjatë me qepë të bëhet një tjetër arsye që vizitorët të ndalen dhe të njohin nga afër zonën dhe produktin e saj karakteristik.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑