E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Fermat e mëdha kërkojnë rishikimin e skemës së TVSH-së për të nxitur zhvillimin e blegtorisë

Sivjet prodhimi vendas i qumështit ka shënuar rritje, si rezultat i zgjerimit të fermave të mëdha dhe përmirësimit të produktivitetit, sipas përfaqësuesve të sektorit.

Ata theksojnë se fermat e vogla po pakësohen gradualisht, ndërsa prodhimi po përqendrohet te fermat më të organizuara, të cilat po investojnë në zgjerimin e kapaciteteve.

Megjithatë, blegtorët dhe drejtuesit e fermave pohojnë se sektori vijon të përballet me pengesa që lidhen me funksionimin e skemës së TVSH-së, si për importin e kafshëve ashtu edhe për transaksionet brenda vendit.

Sipas tyre, këto pengesa po kufizojnë mundësinë e fermave të vogla për t’u zgjeruar dhe për të përmirësuar racën e bagëtive.

Konkretisht, fermerët e vegjël edhe pse për importin e kafshëve u është hequr TVSH-ja, nuk mund të importojnë drejtpërdrejt kafshë për shtimin e tufave, pasi importi kërkon licencë, të cilën shumë prej tyre nuk e disponojnë.

Nga ana tjetër, nëse zgjedhin t’i blejnë kafshët nga grosistët vendas, çmimit i shtohet TVSH-ja.

Edhe fermat e mëdha, megjithëse përfitojnë nga heqja e TVSH-së në importin e kafshëve, janë të detyruara t’i faturojnë ato me TVSH kur ua shesin blegtorëve të vegjël.

Duke qenë se këta të fundit zakonisht nuk janë subjekte të TVSH-së, ata nuk mund ta kreditojnë këtë vlerë, çka rrit koston e blerjes së kafshëve dhe e bën më të vështirë zgjerimin e fermave të vogla.

Një tjetër problem lidhet me blerjen e ushqimit për bagëtinë. Drejtues të fermave të mëdha shprehen se blejnë pjesën më të madhe të bazës ushqimore nga fermerët e vegjël, për një vlerë që arrin rreth 30 milionë lekë.

Meqenëse këto blerje nuk krijojnë TVSH të kreditueshme, fermat përballen me detyrime të konsiderueshme fiskale, duke paguar sipas tyre nga 2 deri në 3 mln lekë TVSH çdo muaj.

Përfaqësuesit e sektorit theksojnë se, ndryshe nga Shqipëria, në vendet e rajonit fermat rezultojnë shpesh me tepricë TVSH-je të kreditueshme, gjë që u lehtëson barrën fiskale dhe përmirëson likuiditetin.

Nga ana tjetër, përpunuesit e qumështit e konsiderojnë problem edhe normën 20% të TVSH-së mbi shitjen e produkteve të bulmetit.

Sipas tyre, vendet e rajonit aplikojnë norma më të ulëta për produktet e shportës ushqimore, duke i bërë prodhuesit e tyre më konkurrues. Për këtë arsye, ata përsërisin kërkesën për uljen e TVSH-së mbi produktet e përpunuara të qumështit.

Përfaqësuesit e sektorit argumentojnë se rishikimi i skemës së TVSH-së do të ndihmonte si fermat e mëdha, ashtu edhe ato të vogla të rrisnin investimet dhe prodhimin vendas.

Konkretisht, ata kërkojnë:

Uljen e TVSH-së në shitjen e produkteve të shportës ushqimore, përfshirë produktet e bulmetit, në nivelin 8–10%, nga 20% që është aktualisht, si dhe unifikimin e saj me normat e aplikuara në vendet e rajonit;

Gjetjen e një mekanizmi që shitja e kafshëve nga importuesit ose grosistët te fermerët të tatohet me TVSH zero ose deri në 8%, ose krijimin e depove doganore ku shitja të marrë bazën përkatëse tatimore;

Krijimin e mundësisë që blegtori të zgjedhë vetë kafshën që dëshiron të blejë dhe transaksioni të realizohet me TVSH zero. /Monitor.al/

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑