Protestuesit kanë sjellë një gomone të pajisur me flamur britanik dhe shqiptar për të ilustruar eksodin masiv të shqiptarëve drejt Britanisë së Madhe. Gomonja shëtiti në krahët e protestuesve në bulevard për t’u “ankoruar” përballë kryeministrisë, selisë së qeverisë që akuzohet se po shpopullon Shqipërinë dhe po detyron mijëra të rinj, por familjarë që të ikin në ishullin britanik.