E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

“E hodha unë nga ballkoni, më falni”, ish-i dashuri pranon vrasjen e 13-vjeçares shqiptare në Itali

Ish-i dashuri i Aurora Tilës ka pranuar për herë të parë se ishte ai që e hodhi 13-vjeçaren shqiptare nga ballkoni i një pallati në Piacenza, ngjarje e ndodhur më 25 tetor 2024, duke shkaktuar vdekjen e saj.

Gjatë seancës në Gjykatën e Apelit, i riu, i cili në shkallën e parë ishte dënuar me 17 vite burg nga Gjykata për të Mitur, ndryshoi dëshminë e mëparshme dhe mori përgjegjësinë për krimin.

“E hodha unë nga ballkoni, më falni”, deklaroi ai para trupit gjykues, duke kërkuar ndjesë edhe për faktin që kishte pritur kaq gjatë për të pranuar të vërtetën.

Pas rrëfimit, avokati Emilio Malaspina, përfaqësues i nënës së viktimës, tha se pranimi i fajit mbyll një kapitull të rëndësishëm të çështjes, por nuk duhet të ndikojë në masën e dënimit.

“Me rrëfimin e tij mbyllet një rreth. Megjithatë, shpresojmë që gjykata të konfirmojë vendimin e shkallës së parë, e cila caktoi një dënim të përshtatshëm”, u shpreh Malaspina.

Procesi i apelit është shtyrë për më 10 shtator, datë kur pritet të shpallet vendimi i Gjykatës së Apelit.

Avokati i familjes së Aurorës theksoi se rrëfimi ka ardhur shumë vonë dhe se, sipas tij, synon të sigurojë një ulje të dënimit.

“Besojmë se kjo zgjedhje është bërë pikërisht për të kërkuar një reduktim të dënimit prej 17 vitesh të vendosur në shkallën e parë. Ne do të presim me qetësi vendimin e gjykatës”, deklaroi ai.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑