E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Bota

Dritarja e avionit shkëputet gjatë fluturimit në Greqi, pasagjeri mbetet pjesërisht jashtë

Një fluturim i Ryanair nga Selaniku i Greqisë drejt Memmingenit të Gjermanisë u detyrua të kthehej menjëherë pas ngritjes, pasi një dritare e avionit u zhvendos gjatë fluturimit, duke shkaktuar dekompresion në kabinë. Një pasagjer mbeti i plagosur dhe u transportua në spital.

Sipas dëshmive të pasagjerëve, avioni ishte në ajër për rreth 10 minuta kur humbi papritur rreth 2,700 metra lartësi. Ata thanë se dëgjuan një shpërthim të fortë, ndërsa maskat e oksigjenit u aktivizuan dhe në kabinë u krijua një rrjedhë e fuqishme ajri.

Një shtetas serb, 61 vjeç, pësoi djegie nga fërkimi dhe, sipas dëshmitarëve, mbeti pjesërisht i nxjerrë nga dritarja deri në shpatulla, ndërsa bashkëshortja e tij dhe pasagjerë të tjerë arritën ta mbanin dhe ta tërhiqnin sërish brenda avionit. Ai u dërgua në spital në gjendje shoku, por i vetëdijshëm.

Në një deklaratë, Ryanair konfirmoi se fluturimi u kthye menjëherë në aeroportin e Selanikut pasi “një dritare pasagjeri u zhvendos gjatë fluturimit”. Sipas kompanisë, avioni u ul normalisht, pasagjerët u kthyen në terminal dhe një avion zëvendësues i transportoi drejt destinacionit disa orë më vonë.

Disa pasagjerë pretenduan se dritarja mund të jetë dëmtuar nga copa të motorit, por Ryanair nuk ka komentuar mbi këtë pretendim. Ndërkohë, autoritetet greke të sigurisë ajrore kanë nisur hetimet për të përcaktuar shkakun e incidentit.

Ekspertët e aviacionit theksojnë se përdorimi i rripit të sigurimit ishte vendimtar për shmangien e një tragjedie më të madhe. Piloti i pensionuar Chris Brady deklaroi se, nëse pasagjeri nuk do ta kishte pasur rripin e lidhur, pasojat mund të kishin qenë fatale./BBC.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑