E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Dogji 400 rrënjë ullinj, arrestohet 54-vjeçari në Mallakastër pranë vatrës së zjarrit

Një 54-vjeçar është vënë në pranga nga Policia e Shtetit, pasi është kapur në flagrancë pranë vatrës së zjarrit që dyshohet se e kishte ndezur vetë, duke shkaktuar dëme të rënda mjedisore dhe materiale. Si pasojë e përhapjes së flakëve, janë shkrumbuar rreth 400 pemë ulliri.

Shërbimet e Komisariatit të Policisë Mallakastër, pas marrjes së njoftimit se në vendin e quajtur “Qafa e Vidhit” kishte rënë zjarr dhe po digjeshin dhjetëra pemë ulliri, janë nisur menjëherë drejt vendngjarjes. Ndërhyrja e tyre u organizua në mbështetje të forcave zjarrfikëse për vënien e flakëve nën kontroll, si dhe për kryerjen e veprimeve të shpejta hetimore me qëllim zbardhjen e rrethanave të rastit.

Gjatë krehjes së zonës, pranë vetë vatrës së zjarrit, shërbimet e Policisë kanë konstatuar dhe ndaluar shtetasin A. Xh., 54 vjeç, banues në Ballsh, i cili dyshohet se kishte ndezur zjarrin.

Në vijim të veprimeve procedurale, specialistët për Hetimin e Krimeve të këtij komisariati arrestuan në flagrancë 54-vjeçarin për veprën penale “Shkatërrimi i pronës me zjarr”. Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑