E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Dita e 44-t, vijon protesta qytetare para Kryeministrisë

Protesta qytetare kundër qeverisë së kryeministrit Edi Rama dhe projektit të planifikuar në Zvërnec ka hyrë në ditën e 44-t të saj. Qindra qytetarë janë mbledhur edhe këtë të hënë në bulevardin përpara Kryeministrisë, duke vijuar mobilizimin e përditshëm në shenjë kundërshtimi ndaj politikave të qeverisë.

Organizatorët dhe pjesëmarrësit kanë bërë të ditur se protesta do të vazhdojë edhe në ditët dhe javët në vijim, duke theksuar se nuk do të tërhiqen deri në realizimin e kërkesave të tyre.

Në qendër të kërkesave mbetet dorëheqja e kryeministrit Edi Rama dhe largimi i qeverisë, të cilën protestuesit e konsiderojnë një kusht të panegociueshëm. Ata kërkojnë gjithashtu ngritjen e një qeverie teknike tranzitore, jopartiake, me mandat 12-mujor, e cila do të administrojë vendin deri në zhvillimin e zgjedhjeve.

Një tjetër kërkesë lidhet me ndërmarrjen e ndryshimeve kushtetuese për reformimin e sistemit politik dhe garantimin e barazisë para ligjit. Sipas protestuesve, këto ndryshime duhet të përfshijnë rishikimin e Kodit Zgjedhor, financimin e partive politike, kufizimin e mandateve të kryeministrit, si dhe të miratohen përmes një referendumi popullor.

Në listën e kërkesave përfshihet edhe shfuqizimi i ndryshimeve në ligjin për zonat e mbrojtura dhe trashëgiminë kulturore, anulimi i Paketës së Maleve, si dhe rishikimi i kuadrit ligjor për investimet strategjike.

Protestuesit kërkojnë gjithashtu hartimin e një kontrate të re sociale mes shtetit dhe qytetarëve, përmes një procesi konsultimi me ekspertë, intelektualë dhe përfaqësues të shoqërisë civile.

Edhe këtë ditë, marshimi drejt godinës së Kryeministrisë pritet të jetë momenti kryesor i tubimit, ndërsa organizatorët përsërisin se protesta do të vijojë deri në përmbushjen e kërkesave të parashtruara.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑