Policia ka njoftuar këtë të premte se një çift irlandez është paraqitur në ambientet e Drejtorisë Vendore të Policisë Shkodër, ku kanë dorëzuar një shumë prej 41,400 eurosh.
Çifti i huaj ka deklaruar se këto euro i kanë gjetur më datë 26 mars në qytetin e Durrësit.
Njoftimi i policisë
Mbrëmjen e djeshme, në ambientet e Drejtorisë Vendore të Policisë Shkodër, janë paraqitur një çift irlandez, i cili ka dorëzuar një shumë vlerash monetare prej 41 400 eurosh.
Shtetasi K. S., 42 vjeç, dhe bashkëshortja e tij, shtetasja K. K., kanë deklaruar se shumën prej 41 400 eurosh e kanë gjetur më datë 26.03.2025, rreth orës 15:30, në afërsi të supermarket “SPAR”, në lagjen nr 13, Durrës.
Me veprimet e metejshme do të merret Drejtoria Vendore e Policisë Durrës.
