E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Berisha thërret demokratët në protestë kombëtare: Nesër në orën 12:00, në mbështetje të studentëve

Kryetari i Partisë Demokratike, Sali Berisha, ka ftuar anëtarët, mbështetësit e partisë dhe qytetarët nga mbarë vendi që t’i bashkohen protestës kombëtare të së shtunës, në orën 12:00, në mbështetje të protestës studentore.

Në një konferencë për mediat këtë të premte, Berisha vlerësoi qëndresën e studentëve dhe të rinjve që prej disa ditësh protestojnë në rrugët e Tiranës, duke e cilësuar lëvizjen e tyre si një dëshmi të guximit qytetar.

Sipas kreut të PD-së, studentët kanë fituar mbështetje të gjerë dhe kanë tërhequr vëmendjen e mediave ndërkombëtare përmes protestave dhe përplasjeve me policinë.

“Studentët në revoltën e tyre shumëditore kanë dëshmuar guximin e paparë ndonjëherë të qytetarëve në rrugët dhe sheshet e Tiranës. Studentët në revoltën e tyre kanë gjunjëzuar narkoshtetin jo një, por disa herë”, deklaroi Berisha.

Ai akuzoi kryeministrin Edi Rama se është përpjekur të njollosë protestën dhe protestuesit, ndërsa hodhi akuza të rënda për mënyrën se si policia ka ndërhyrë gjatë tubimeve.

Berisha pretendoi se ndaj protestuesve është përdorur dhunë e pajustifikuar, duke përmendur edhe përdorimin e armëve në kundërshtim, sipas tij, me ligjin shqiptar dhe atë ndërkombëtar.

Kreu i opozitës u shpreh gjithashtu se akuzat e Ramës për përfshirjen e ANTIFA-s nuk janë besuar nga opinioni ndërkombëtar.

Në përfundim, Berisha përsëriti thirrjen për mobilizim të demokratëve dhe mbështetësve të opozitës në protestën e nesërme, duke e cilësuar atë si një tubim kombëtar në mbështetje të studentëve.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑