Berisha ‘non grata’, Presidenti Meta: ‘Fletërrufe’ e porositur nga regjimi i kleptokracisë në Tiranë – Stop
Aktualitet, Të Gjitha

Berisha ‘non grata’, Presidenti Meta: ‘Fletërrufe’ e porositur nga regjimi i kleptokracisë në Tiranë

Presidenti Ilir Meta ka reaguar lidhur me vendimin e DASH, i cili shpalli “non grata” ish-kryeministrin Sali Berisha duke akuzuat për korrupsion dhe abuzim me fondet publike.

Nëpërmjet një postimi në “Facebook”, Meta e cilëson vendimin e DASH si një fletërrufe të përgatitur në Tiranë nga qeveria “Rama”.

Presidenti thotë se Berisha nuk u shpall rastësisht “non grata” nga SHBA, kur në vendin tonë ende nuk është mbyllur procesi zgjedhor.

Po ashtu, Meta ka publikuar dhe mesazhin që i ka dërguar Berishës ditën që u publikua vendimi i DASH.

Reagimi i Metës

Të dashur qytetarë shqiptarë dhe bashkëkombas kudo në botë,

Si President i Republikës së Shqipërisë ndjej përgjegjësinë e lartë të ndaj me Ju vlerësimin tim lidhur me “fletërrufenë” e porositur nga regjimi i kleptokracisë në Tiranë kundër z.Sali Berisha, Presidentit të parë demokratik të vendit.

Kjo “fletërrufe” jo rastësisht u kërkua në këtë moment, kur procesi zgjedhor ende nuk është mbyllur zyrtarisht dhe kur institucionet, sipas Kodit Zgjedhor, duhet të shprehen lidhur me ankesat e shumta për manipulimet dhe krimet zgjedhore të denoncuara gjerësisht, që kanë cenuar rëndë standardet perëndimore të një procesi elektoral plotësisht të lirë, të ndershëm dhe demokratik.

Duke u bërë thirrje të gjithëve të zbatojnë me rigorozitet ligjin, si dhe të gjitha kërkesat e Kodit Zgjedhor lidhur me procesin e 25 prillit, pasi kjo është dhe mbetet çështja më e rëndësishme aktualisht, ndjej përgjegjësinë të ndaj me secilin prej jush, mesazhin e solidaritetit, që i kam dërguar z.Sali Berisha dhe familjes së Tij ditën e enjte paradite, pas informacioneve, që mora nga burime të ndryshme dhe të besueshme:

“Përshëndetjet e mia më të sinqerta dhe solidaritet për Ju, Lilin dhe Familjen tuaj pas këtij akti të shëmtuar, të pabesë dhe të poshtër, që ka të bëjë vetëm me lobingjet antishqiptare dhe asgjë tjetër. Ata që financuan për të shpallur hero të Reformës në Drejtësi Dvoranin e Partisë mund të bënin çdo marrëzi dhe nuk mund të na habisin më me pacipësinë e tyre për respektin ndaj shtetit të së drejtës dhe pavarësinë e Drejtësisë. Të fala!”

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *