E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Atentati në Vorë, ky është 50-vjeçari që e vranë pranë banesës

Personi që shihni në foto është Edmond (Ali) Sula, 50-vjeçari që u ekzekutua në orët e para të mëngjesit të së dielës pranë banesës së tij në fshatin Bërxullë të Vorës. Sipas hetimeve paraprake, ai u qëllua me një plumb të vetëm në shpinë, teksa po hynte në shtëpi, duke humbur jetën në vend.

Dyshimet e grupit hetimor janë se autori ka përdorur një armë me precizion të lartë ndërsa në vendngjarje nuk është gjetur asnjë gëzhojë, element që përforcon dyshimet se atentati është planifikuar me kujdes.

Sipas hetimeve, 50-vjeçari ishte kthyer me automjetin e tij në banesë dhe, pasi e parkoi, u qëllua në momentin kur po i afrohej hyrjes së shtëpisë. Ai njihej në zonë si person me influencë dhe frekuentonte çdo ditë një ambient ku zhvillonte takime me persona të interesuar për shitblerje tokash dhe pronash.

Në fokus të hetimeve është aktiviteti i viktimës në fushën e shitblerjes së pronave, pasi policia po verifikon nëse ai kishte konflikte të lidhura me këtë veprimtari. Burime hetimore bëjnë me dije se kjo është pista kryesore ku po përqendrohet puna, megjithëse nuk përjashtohen as motive të tjera.

Grupi hetimor, nën drejtimin e Prokurorisë, vijon grumbullimin e provave për të dokumentuar dinamikën e atentatit dhe për të identifikuar autorin ose autorët, të cilët deri më tani mbeten të paidentifikuar.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑