E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Atentati i dështuar në Elbasan, zbardhet dëshmia e autorit: Doja ta vrisja se më ka lënë vëllain të paralizuar

Një konflikt i nisur rreth 15 vite më parë dyshohet se mund të jetë në themel të atentatit të dështuar në Elbasan, ku shënjestër ishte 50-vjeçari Ermir Kërtezi.

52-vjeçari Poli Boriçi, i arrestuar pas ngjarjes, ka deklaruar para hetuesve se sulmi lidhej me një episod të së kaluarës, duke pretenduar se Kërtezi kishte plagosur vëllain e tij. Sipas versionit të dhënë prej tij, pasojat e plagosjes kanë qenë të rënda dhe kanë çuar deri në paralizimin e të vëllait.

Megjithatë, kjo dëshmi nuk përputhet me deklarimet e Kërtezit, i cili ka mohuar se mes dy familjeve kishte ende një konflikt aktiv. Ai ka pohuar se marrëdhëniet ishin normalizuar prej vitesh dhe se familjet banonin pranë njëra-tjetrës pa pasur probleme gjatë rreth 15 viteve të fundit.

Pikërisht kjo kontradiktë ka bërë që grupi hetimor të verifikojë me imtësi historinë e marrëdhënieve mes palëve. Krahas konfliktit të vjetër, hetuesit po shqyrtojnë edhe mundësinë e një përplasjeje më të afërt në kohë mes autorit dhe personit që ishte në shënjestër.

Ngjarja ndodhi rreth orës 12:40 të së shtunës, në një lokal në hyrje të Elbasanit, në një moment kur ambienti ishte i mbushur me klientë.

Nga pamjet e kamerave të sigurisë, Kërtezi shfaqet i veshur me bluzë të zezë teksa ndodhet fillimisht brenda lokalit. Ai kalon në pjesën e jashtme të barit dhe ndalet për disa sekonda.

Në këtë moment, sipas pamjeve, Boriçi, i cili ndodhej në lokal së bashku me bashkëshorten, ngrihet dhe i afrohet. 52-vjeçari nxjerr armën dhe ia drejton Kërtezit në kokë, por mekanizmi i armës dyshohet se nuk funksionon.

Kërtezi ka reaguar menjëherë, duke e shtyrë autorin dhe duke u larguar me shpejtësi nga vendi. Boriçi e ka ndjekur për disa metra, përpara se të largohej edhe vetë.

Arratisja ka zgjatur pak. Policia ka arritur ta lokalizojë 52-vjeçarin dhe ta arrestojë, ndërsa arma e zjarrit që dyshohet se u përdor gjatë sulmit është sekuestruar si provë materiale.

Tashmë hetimi është përqendruar në zbardhjen e plotë të historisë së konfliktit, verifikimin e ngjarjes së ndodhur rreth 15 vite më parë dhe përcaktimin nëse ajo ka qenë realisht motivi i atentatit apo nëse pas përplasjes fshihen zhvillime të tjera më të fundit.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑