E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Bota

Arrestohet komediani turk, akuzohet për fyerje të Islamit dhe presidentit Erdogan

Komediani i njohur turk Deniz Göktaş është arrestuar në aeroportin e Stambollit pas kthimit të tij në vend, nën akuzat për fyerje të supozuar të Islamit dhe presidentit Rexhep Tajip Erdogan.

Arrestimi u krye të enjten, ndërsa autoritetet turke po hetojnë një pjesë të shfaqjes së tij 90-minutëshe stand-up, e publikuar në YouTube dhe e parë gjerësisht online, që dyshohet se përmban komente ofenduese ndaj vlerave fetare dhe figurës së presidentit, një vepër penale sipas nenit 299 të Kodit Penal turk.

Në një fragment të programit të tij, Göktaş bëri një koment satirik për Kuranin, duke e cilësuar si “më të mirin nga të katër librat”, ndërsa në pjesë të tjera ai iu referua presidentit Erdogan me terma kritikë, përfshirë edhe etiketimin si “diktator”.

Sipas zyrës së prokurorit publik të Stambollit, ndaj komedianit janë bërë 185 ankesa lidhur me shfaqjen, ndërsa ai po hetohet për “fyerje publike të vlerave fetare”.

Shfaqja e publikuar më 24 qershor është bërë virale, duke arritur miliona shikime, dhe përmban një analizë satirike të zhvillimeve politike në Turqi, ku Göktaş ironizon figura nga e gjithë spektri politik, përfshirë edhe kryebashkiakun e Stambollit, Ekrem İmamoğlu.

Arrestimi i tij vjen në një periudhë kur autoritetet turke janë kritikuar për rritjen e hetimeve dhe ndjekjeve penale ndaj figurave publike, përfshirë artistë, gazetarë dhe politikanë kritikë ndaj qeverisë.

Ndërkohë, para arrestimit, disa klipet e shkurtra nga shfaqja e tij u bllokuan në Turqi për arsye të sigurisë kombëtare dhe rendit publik.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑