E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Arben Malaj konfirmon kandidaturën për kryetar të Bashkisë së Vlorës: Pse zgjodha të dal i pavarur

Arben Malaj ka konfirmuar se do të kandidojë si kandidat i pavarur për kryetar të Bashkisë së Vlorës në zgjedhjet vendore të vitit 2027.

Përmes një postimi në rrjetin social Facebook, Malaj u është përgjigjur qytetarëve dhe mbështetësve që e kanë pyetur për kandidimin e tij, ndërsa ka renditur edhe pesë avantazhet që, sipas tij, sjell një kandidaturë e pavarur.

Ai thekson se kandidimi jashtë strukturave partiake i jep liri të plotë vendimmarrjeje, pa detyrime ndaj interesave politike apo klaneve të caktuara.

“Po! Unë do të kandidoj në 2027 si i pavarur për kryetar i Bashkisë Vlorë. Kjo është përgjigjja për çdo mbështetës dhe dashamirës, por edhe për çdo qytetar që më pyesin gjithnjë e më shumë”, shkruan Malaj.

Ndër avantazhet e kandidaturës së tij, ish-ministri rendit pavarësinë në vendimmarrje, moralitetin dhe besueshmërinë, fleksibilitetin në fushatë, rolin si sfidues i drejtpërdrejtë i sistemit politik dhe çlirimin e administratës nga ndikimet partiake.

Malaj deklaron se një kandidat i pavarur mund të krijojë një bashkim më të gjerë qytetar me intelektualë, aktivistë, biznese dhe përfaqësues të shoqërisë civile, duke shmangur ndarjet politike.

“Vendimet do të marrin parasysh vetëm interesin e banorëve të Vlorës”, shkruan ai, duke shtuar se synon një administratë të bazuar te meritokracia dhe barazia e mundësive për qytetarët dhe bizneset.

Arben Malaj ka qenë deputet i Partisë Socialiste dhe ministër i Financave në qeveritë e mëparshme socialiste.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑