E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

“Duam 50 mln lekë ose të hedhim në erë biznesin”/ Kërcënohet biznesmeni në Peshkopi, kërkesa iu dërgua me kuti picash, policia blindon zonën

Një biznes privat në qytetin e Peshkopisë është bërë objekt i një kërcënimi serioz, pasi pronarit të subjektit i është kërkuar të paguajë shumën prej 50 milionë lekësh, me paralajmërimin se në të kundërt biznesi do të hidhej në erë.

Sipas të dhënave paraprake, pronarit i është dërguar një kuti picash, brenda së cilës ndodhej kërkesa për pagesën e shumës së parave, së bashku me disa materiale që dyshohet se mund të përbënin një pajisje artizanale të ngjashme me eksploziv.

Pas konstatimit të pakos, zona në dalje të qytetit të Peshkopisë është rrethuar menjëherë nga forcat e Policisë. Për rreth tre orë, perimetri është mbajtur nën kontroll për të garantuar sigurinë e qytetarëve dhe për të shmangur çdo rrezik të mundshëm.

Në vendngjarje kanë mbërritur specialistë të çminimit dhe neutralizimit të lëndëve eksplozive nga Tirana, të cilët kanë marrë masa të tjera sigurie për menaxhimin e situatës.

Ndërkohë, mësohet se janë mbyllur edhe subjektet përreth zonës së karburantit, ndërsa qarkullimi i automjeteve është devijuar dhe ka vijuar nëpërmjet unazës së Peshkopisë.

Në kuadër të hetimeve, Policia ka shoqëruar disa persona, ndërsa grupet hetimore po punojnë për zbardhjen e plotë të rrethanave të ngjarjes dhe identifikimin e autorëve të kërcënimit.

Pritet konfirmimi zyrtar i Policisë së Shtetit për detajet e ngjarjes, si dhe për natyrën e materialeve të gjetura në pakon e dërguar pranë biznesit.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑