E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Kryetari Topçiu: Bashkimi i Maliqit me Korçën nuk është problem, nëse shërbimet ndaj qytetarëve nuk largohen

Kryetari i Bashkisë së Maliqit, Gëzim Topçiu, ka folur për herë të parë për propozimin që Bashkia e Maliqit të bashkohet me Bashkinë e Korçës, në kuadër të reformës së re territoriale.

Topçiu tha se ende nuk është e qartë se çfarë do të sjellë konkretisht reforma dhe se cilat do të jenë pasojat për statusin e qyteteve, kompetencat, financat dhe investimet.

Sipas tij, bashkimi me Korçën nuk përbën domosdoshmërisht problem, nëse shërbimet publike mbeten pranë qytetarëve dhe nuk vështirësohet marrja e tyre.

“Ende unë jam i paqartë për atë çfarë do të ndodhë në kuptimin çfarë do të ndryshojë në qoftë se do të miratohet kjo reformë e re, cila do të jetë statusi i qyteteve tona, i bashkive tona, i kompetencave, i financave, i investimeve”, u shpreh Topçiu.

Ai theksoi se reforma kërkon më shumë se një ndryshim ligjor, pasi sipas tij duhet të shoqërohet edhe me ndryshime në ligjin për pushtetin vendor, financat vendore dhe kompetencat e qyteteve.

Topçiu tha se projektligji parashikon bashkimin e Bashkisë së Maliqit me Bashkinë e Korçës, ndërsa organizimi i brendshëm do të ndryshonte. Sipas tij, Maliqi do të vijonte të kishte strukturën e tij dhe njësitë administrative nuk do të vareshin drejtpërdrejt nga Korça.

“Nocioni që materiali i vjen në projektligj nuk është shkrirje, por është bashkim. Projektligji i propozuar parashikon që Bashkia Maliq të bashkohet me Bashkinë Korçë”, tha ai.

Kryebashkiaku i Maliqit bëri të ditur gjithashtu se po përgatit një material me qëndrimet dhe shqetësimet e tij për reformën, të cilin synon t’ia përcjellë Kuvendit të Shqipërisë.

Ai theksoi se debati nuk duhet të fokusohet te posti i kryetarit të bashkisë, por te mënyra se si reforma do të ndikojë te qytetarët.

“Për mua nuk duhet parë bashkia, pozicioni, ky organizim si një moment që duhet të qajmë hallin e një kryetari bashkie. Por unë mendoj që duhet të shikojmë sa shërbimet ndaj njerëzve venë më afër, sa u zgjidhen më lehtë, sa Maliqi do të ecë jo me këtë ritëm që ka ecur tani, po do të ecë më mirë, sa investime do të marrim më shumë, sa do t’u shërbejë qytetarëve”, u shpreh Topçiu.

Në këtë kuadër, ai tha se qëndrimi përfundimtar ndaj reformës duhet të përcaktohet duke parë efektet konkrete që ajo do të ketë mbi qytetarët dhe zhvillimin e territorit.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑