E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Bota

Erdogan: Anëtarësimi në BE nuk përbën më prioritet për Turqinë, Evropa do të jetë humbësja

Anëtarësimi i Turqisë në Bashkimin Evropian “nuk përbën më prioritet” për Ankaranë, deklaroi presidenti turk Recep Tayyip Erdogan, duke argumentuar madje se nga një zhvillim i tillë “humbëse do të jetë Evropa”.

Në një intervistë, presidenti turk preku një sërë çështjesh kritike, nga marrëdhëniet me BE-në dhe F-35 te marrëveshja e re e mbrojtjes së Mekës, Egjipti, Ngushtica e Hormuzit, Siria dhe Gaza.

Sipas mediave vendase, Erdogan pretendoi se Bashkimi Evropian nuk duket i gatshëm ta pranojë Turqinë si anëtare të plotë.

Erdogan tha se anëtarësimi në BE nuk është më në krye të axhendës së Ankarasë. Ai tha se Evropa nuk po tregon ndonjë gatishmëri të vërtetë për të integruar Turqinë në Bashkim dhe, sipas tij, nëse kjo rrugë nuk ecën përpara, “Evropa do të jetë humbësja”.

Duke iu referuar çështjes së avionëve luftarakë amerikanë F-35 , ai tha se “mora një premtim nga Trump për F-35. Pres që ai të mbahet “.

Presidenti turk iu referua gjithashtu Marrëveshjes së Përbashkët të Mbrojtjes të nënshkruar më 7 gusht nga Turqia, Arabia Saudite dhe Pakistani në Mekë, e cila parashikon që një sulm i armatosur kundër njërit prej tre vendeve do të konsiderohet sulm kundër të gjithëve.

Ai argumentoi se kjo marrëveshje “i dërgoi një mesazh të rëndësishëm botës”.

Erdogan la të hapur gjithashtu mundësinë e zgjerimit të formacionit të ri mbrojtës , duke deklaruar se edhe Egjipti mund të marrë pjesë në të ardhmen.

Lidhur me Ngushticën e Hormuzit, Tayyip Erdogan deklaroi se përparësia kryesore e Turqisë është rihapja e saj.

Siç tha ai, mbajtja e ngushticave të mbyllura nuk i shërben interesave të asnjërës palë. Në të njëjtën kohë, ai vlerësoi rolin e Katarit në përpjekjet e ndërmjetësimit për t’i dhënë fund konflikteve në rajon.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑