E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Bota

Poloni, ngrihet statuja më e lartë e Virgjëreshës Mari në Europë, 55 metra e lartë

Polonia ka tashmë statujën më të lartë të Virgjëreshës Mari në Europë. Monumenti 55 metra i lartë, ka kushtuar rreth 26 milionë dollarë dhe synon të tërheqë pelegrinë e turistë.

Një statujë 55 metra e lartë e Virgjëreshës Mari është ngritur në fshatin Konotopie të Polonisë. Monumenti konsiderohet statuja më e lartë kushtuar Virgjëreshës Mari në Europë.

Në rang botëror, ajo renditet e dyta pas statujës “Mother of All Asia” në Filipine. Statuja prej betoni dhe çeliku do të bekohet më 15 gusht, në festën katolike të Ngjitjes së Zojës në Qiell.

Punimet në zonën përreth monumentit ende nuk kanë përfunduar plotësisht. Projekti është financuar nga një miliarder polak.

Sipas mediave lokale, ndërtimi ka kushtuar rreth 26 milionë dollarë. Autoritetet e zonës shpresojnë që monumenti të tërheqë pelegrinë dhe turistë. Ata presin që rritja e numrit të vizitorëve të krijojë edhe vende të reja pune. Vizitorët kishin nisur të mbërrinin në zonë që përpara përfundimit të punimeve. Megjithatë, investimi ka shkaktuar edhe debate mes banorëve. Disa prej tyre mendojnë se paratë mund të ishin përdorur për spitale ose institucione sociale.

Polonia vazhdon të ketë një prani të fortë të besimit katolik. Por të dhënat tregojnë se shoqëria polake po bëhet gjithnjë e më laike. Në regjistrimin e vitit 2021, 71% e popullsisë u deklarua katolike, nga 88% një dekadë më parë.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑