E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Himarë, shpërndanin kokainë e kanabis në plazhe/ Arrestohen 3 persona

Tre persona janë arrestuar nga Policia e Himarës për shitje të lëndëve narkotike në zonat turistike të Livadhit, Llamanit dhe zona të tjera bregdetare.
Në kuadër të operacionit antidrogë “Area”, policia sekuestroi 91 doza kokainë dhe kanabis, një peshore elektronike, një automjet dhe një celular.
Mes të arrestuarve janë një 17-vjeçar dhe dy persona të tjerë 24 dhe 40 vjeç. Sipas policisë, dy prej tyre kishin marrë banesa të përkohshme në Himarë për të ushtruar aktivitetin kriminal gjatë sezonit turistik.
Kontrollet u kryen si pjesë e masave të shtuara për garantimin e rendit dhe sigurisë në zonat bregdetare gjatë sezonit veror.

Njoftimi i Policisë:

Himarë/Kontrollet intensive gjatë sezonit turistik, goditen raste të tjera të shitjes së lëndëve narkotike në zona bregdetare.

Arrestohen 3 shtetas që shitnin doza Kokaine dhe Cannabisi në plazhet e Livadhit dhe Llamanit, si dhe në zona të tjera të Himarës.

2 prej të arrestuarve kishin marrë banesa të përkohshme në Himarë, për të kryer këtë veprimtari kriminale.

Sekuestrohen sasi të këtyre lëndëve narkotike, të ndara në 91 doza, si dhe 1 peshore elektronike, 1 automjet dhe 1 celular.

Si rezultat i intensifikimit të kontrolleve, pranisë në terren dhe punës operative, të kryera në funksion të zbatimit të planit të posaçëm të masave për garantimin e rendit dhe sigurisë publike gjatë sezonit turistik, shërbimet e Komisariatit të Policisë Himarë, në bashkëpunim me specialistët e Seksionit për Hetimin e Narkotikëve, finalizuan 2 faza të operacionit antidrogë, të koduar “Area”. Konkretisht:

-gjatë operacionit “Area 01”, u arrestuan në flagrancë shtetasit V. K., 17 vjeç, banues në Himarë dhe D. Gj., 40 vjeç, banues në Tiranë. Gjatë kontrolleve fizike ndaj tyre dhe gjatë kontrollit në banesën ku qendronte përkohësisht, 40-vjeçari, në fshatin Llaman, u sekuestruan sasi të lëndëve të dyshuara narkotike Kokainë dhe Cannabis Sativa, të ndara në 60 doza, të ciliat ishin përgatitur për t’u shitur në plazhet e Livadhit dhe Llamanit, si dhe në beach bar-et në këto zona;

-gjatë operacionit “Area 02”, u arrestua në flagrancë shtetasi R. L., 24 vjeç, pasi gjatë kontrolleve në automjetin me të cilin lëvizte dhe në banesën ku qendronte përkohësisht, në Himarë, u gjetën sasi lënde e dyshuar narkotike Cannabis Sativa e ndarë në 31 doza gati për shitje, si dhe 1 peshore elektronike.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑