E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Thyen “Arrestin në shtëpi” dhe shkuan në Vlorë për vjedhje, në pranga dy burrat nga Tirana

Dy persona nga Tirana kanë rënë në prangat e Policisë së Vlorës pasi u kapën në flagrancë teksa tentonin të vidhnin një banesë në qytetin bregdetar, edhe pse të dy ishin me masën e sigurisë “Arrest në shtëpi”, të caktuar pikërisht për të njëjtën vepër penale.

Mësohet se shtetasit A. G., 48 vjeç dhe A. H., 46 vjeç, të dy banues në Tiranë, kishin precedentë të theksuar penalë për vjedhje dhe ishin nën masën e sigurisë “Arrest në shtëpi” për të njëjtën vepër penale.

Sipas policisë, dy të arrestuarit kishin thyer masën e sigurisë dhe ishin zhvendosur nga Tirana drejt Vlorës për të vijuar veprimtarinë kriminale. Ata u kapën në flagrancë në lagjen “Bashkimi”, në momentin kur, me pajisje të posaçme, po tentonin të hapnin derën e një banese me qëllim vjedhjen.

Gjatë kontrollit në automjetin tip “Mercedes-Benz” që përdorej nga autorët, policia sekuestroi në cilësinë e provës materiale dhe pajisje të ndryshme për hapjen e bravave dhe kasafortave, si dhe dy telefona celularë.

Operacioni policor i koduar “Again” u finalizua nga shërbimet e Komisariatit të Policisë Vlorë, pas informacioneve të siguruara në rrugë operative për dy persona që dyshohej se kryenin vjedhje në banesa.

Materialet procedurale iu referuan Prokurorisë për veprat penale “Vjedhja”, mbetur në tentativë, dhe “Largimi i të burgosurit nga vendi i qëndrimit”.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑