E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Emisioni i plotë

STOP-EMISIONI 180(Sezoni 11) 14 Maj 2026-“3 vjet me vendim gjykate ne dore”, permbaruesi s’ekzekuton borxhin prej 8.7 mln lekesh

Denoncimi i radhës vjen nga Saranda, ku qytetarja Donika Resuli akuzon përmbaruesin Erjon Bejko, se prej tre vitesh nuk ka ekzekutuar një vendim gjykate të formës së prerë.Sipas Donikës, në vitin 2016 ajo i ka dhënë 200 dele Gentian Xhaferrit, kundrejt shumës prej 8 milionë e 700 mijë lekësh, por paratë nuk iu kthyen asnjëherë. Edhe kapari prej 2 milionë lekësh i premtuar, nuk iu dha. Më pas palët iu drejtuan noterit për njohjen e borxhit, me shpresën, se shuma do të kthehej brenda një muaji, por kjo nuk ndodhi.Në këto kushte, Donika Resuli iu drejtua Gjykata e Rrethit Gjyqësor Gjirokastër, e cila i dha të drejtë dhe lëshoi titullin ekzekutiv. Çështja kaloi më pas në duart e përmbaruesit Erjon Bejko, por edhe pas tre vitesh nuk pati rezultat konkret.Gjatë komunikimit me gazetaren, përmbaruesi pranoi, se pala debitore nuk kishte llogari bankare, apo prona të regjistruara, përveç një toke bujqësore në bashkëpronësi. Fillimisht ai nuk pati qasje pozitive, por në një komunikim të dytë, kërkoi ndjesë dhe premtoi, se rasti do të merrte zgjidhje në muajin qershor.Nga ana tjetër, edhe pala debitore, Gentian Xhaferri, premtoi, se do të kthente detyrimin financiar brenda dy muajve.

Në Kombinat, banorët e një pallati denoncojnë gjendjen alarmante të ambienteve përreth godinës, të pushtuara nga ferra, mbeturina dhe papastërti. Sipas tyre, zona është degraduar aq shumë, sa është kthyer në një vend, ku persona të ndryshëm, kryejnë nevojat personale, duke e bërë jetesën të vështirë dhe të pasigurt për familjet dhe fëmijët. Ndërkohë, në Elbasan, shqetësimi lidhet me ambientin pranë një shkolle, ku janë grumbulluar mbetje inerte dhe sasi të mëdha zhavorri. Prindërit dhe qytetarët thonë, se pluhuri, papastërtia dhe mungesa e sigurisë rrezikojnë nxënësit çdo ditë.

Në fillim të prillit folëm për shqetësimin e një qytetari nga Tirana, Platon Cena, i cili denoncoi një rast të moskthimit të 30 mijë eurove nga ndërtuesi Alfred Loka.Sipas tij, në vitin 2016 kishte rënë dakord për të blerë një dyqan nga ndërtuesi, të cilit i kishte dhënë paraprakisht 20 mijë euro, ndërsa pjesa tjetër do të jepej pas përfundimit të procedurave. Por prona u shit tek një person tjetër dhe palët firmosën një deklaratë noteriale, ku ndërtuesi merrte përsipër kthimin e shumës së plotë.Megjithëse kanë kaluar vite qytetari tha, se nuk ka marrë ende paratë. Nga komunikimet e siguruara, Alfred Loka i premtonte kthimin e shumave në data të ndryshme, duke përmendur transferta bankare, pagesa pjesore, apo takime te noteri. Në disa raste, ai justifikohej me probleme bankare, apo vonesa të papritura.Pas transmetimit tonë ndërtuesi reagoi. Platoni na njoftoi, se më në fund Alfred Loka ia ktheu lekët.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑