Një qytetar ka denoncuar në emisionin investigativ “Stop” zvarritjen e ekzekutimit të një vendimi gjyqësor për dëmshpërblim, pas një dënimi penal të padrejtë. “Stop” ka siguruar vendimin e formës së prerë, i cili nuk lejon apelim në Gjykatën Administrative të Apelit dhe është ligjërisht i ekzekutueshëm.Përmbaruesi Ilia Elezi shpjegon, se ngërçi është krijuar nga Ministria e Financave, e cila ka depozituar apelim ndaj një vendimi të paapelueshëm, duke bllokuar padrejtësisht procedurën e ekzekutimit të dëmshpërblimit.Gazetari i “Stop” u interesua drejtpërdrejt pranë Ministrisë së Financave, duke kontaktuar me personin përgjegjës për ndjekjen e kësaj procedure. Përfaqësuesja e institucionit pranoi, se bëhej fjalë për një lapsus procedural.Pas ndërhyrjes së “Stop”, çështja u zgjidh dhe vendimi gjyqësor u ekzekutua, duke i dhënë fund një zvarritjeje të pajustifikuar administrative.
Një botim qindra faqësh është vërë moment viral, pasi në brendësi të librit, ka vetëm mjaullima maceje.Ajo që ndryshon, janë vetëm shenjat e pikësimit në fund.
Në emisionin “Stop” u ankua Anton Doda, një qytetar, i cili jeton në Itali prej rreth 30 vitesh dhe mban nënshtetësi italiane. Më 24 korrik 2025, ai thotë, se ka depozituar kërkesën në Institutin e Sigurimeve në Itali, për të dalë në pension, duke kërkuar njohjen e vjetërsisë së punës në Shqipëri. Edhe pse kanë kaluar disa muaj, Anton Doda thotë, se nuk ka marrë asnjë përgjigje nga ISSH.Pas interesimit të “Stop” pranë Institutit të Sigurimeve Shoqërore në Shqipëri, u bë e ditur, se kërkesa është regjistruar në shtator 2025 dhe procedura nuk është përmbyllur, për shkak, se qytetari ka rezultuar pa data mbylljeje në disa vende pune në Shqipëri. Sipas ISSH, aktualisht ka nisur një proces shtesë verifikimi përmes shqyrtimit të borderove, me qëllim, që të mos i jepet një përgjigje negative, pa u kryer verifikimi i plotë i dokumentacionit.
