Cristiano Ronaldo vijon të mos kursejë asnjë shpenzim kur bëhet fjalë për jetën luksoze dhe festat e tij. Ylli portugez ka blerë dy vila në ishullin e Nujuma-s, në Arabinë Saudite, për një shumë të vlerësuar rreth 8 milionë euro.
Pronat luksoze ndodhen rreth 20 kilometra larg bregdetit dhe janë të aksesueshme vetëm përmes detit ose me hidroplan, duke garantuar privatësi maksimale dhe qetësi absolute. Ishulli konsiderohet një nga destinacionet më elitare të rajonit, i frekuentuar nga personalitete të njohura ndërkombëtare.
Ronaldo konfirmoi lidhjen e veçantë që ka krijuar me këtë vend, teksa investimi i radhës tregon edhe një herë stilin e tij të jetesës luksoze dhe afrimin gjithnjë e më të madh me Arabinë Saudite, jo vetëm në aspektin sportiv, por edhe atë personal dhe familjar.
Çdo rezidencë e ndërtuar furnizohen me energji 100% të rinovueshme. Destinacioni i Detit të Kuq, një gur themeli i Vizionit 2030 të Arabisë Saudite, tani numëron 10 hotele luksoze që janë të hapura dhe mirëpresin turistë.
Sipas vlerësimeve, ylli portugez ka një pasuri neto prej rreth 1.4 miliardë dollarësh amerikanë dhe në muajin tetor u konfirmuar si futbollisti i parë miliarder në botë. Përveç arritjeve financiare, Ronaldo mbetet një nga futbollistët më të suksesshëm në histori.
Ai ka fituar pesë herë çmimin prestigjioz Topi i Artë dhe ka udhëhequr Portugalinë drejt titujve të mëdhenj ndërkombëtarë, përfshirë Kampionatin Europian dhe dy trofe të Ligës së Kombeve. Ronaldo mban gjithashtu rekordin absolut për numrin e golave të shënuar në karrierë, me 954 gola, duke forcuar edhe më tej statusin e tij si një nga legjendat më të mëdha të futbollit botëror.
