E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Emisioni i plotë

STOP-EMISIONI 40(Sezoni 11) 28 Tetor 2025-Ukrainasja dhunohet fizikisht, ekspertiza pas nje jave, policia s’merr pamjet

Një shtetase ukrainase, e cila prej një viti punonte në një lokal në Durrës, tregon, se është dhunuar nga pronari i saj, Igli Çami, pasi ajo kërkoi pagesën e pagave të papaguara, pas largimit nga puna. Ngjarja ka ndodhur më 16 tetor 2025, dhe pas incidentit, ajo u shoqërua në komisariat, ku i thanë, të bënte ekspertizën mjeko-ligjore.Për një javë zonja nuk mundi ta realizojë ekspertizën, pasi mjeku ligjor Anton Samarxhi, nuk gjendej në vendin e punës. Pas ankesës së saj në emisionin “Stop”, mjeku Samarxhi tha, se i duhet të mbulojë Durrësin, Kavajën, Rrogozhinën dhe Tiranën, ndaj nuk mund të jetë gjithmonë në një qytet. Ai deklaroi se do të hartonte raportin bazuar në gjetjet e një jave më pas, kur dëmtimet ishin më pak të dukshme për shkak të kohës së kaluar.Një tjetër problem është edhe mosmarrja e pamjeve të kamerave të sigurisë nga lokali ku ndodhi dhuna. Oficeri i Policisë Gjyqësore Endri Dushi tha, se është me leje dhe këtë procedurë ia ka lënë porosi oficerit të zonës, por ky i fundit deklaroi, se nuk ishte njoftuar për asgjë.

Sot, Monika Kryemadhi ka shkuar në SPAK, ku mësoi, se ndaj saj dhe ish-bashkëshortit Ilir Meta vijon hetimi. Ajo ka thënë, se në këtë rast bëhet fjalë për një grusht shteti apo një puc të mundshëm ndaj familjes dhe rrethit të saj shoqëror.Por në një sqarim të mëparshëm, Berisha ka shpjeguar konceptin e grushtit të shtetit, duke lexuar definicione nga fjalorë të ndyshëm ndërkombtarë.

Bashkim Çuku nga Elbasani, ish-ushtarak, ka përfituar për vite me radhë pension ushtaraku, por pas mbushjes së moshës së pensionit të pleqërisë, është shpallur debitor me 10 milionë lekë, duke u akuzuar për përfitim të padrejtë. Ai iu drejtua Gjykatës Administrative të Durrësit, ku e fitoi çështjen, por vendimi u apelua dhe dosja ndodhet prej 5 vitesh në Gjykatën Administrative të Apelit Tiranë, pa asnjë datë gjykimi.Pas interesimit tonë pranë gjykatës, u konfirmua, se dosja nuk ka ende datë dhe vetëm sa është hedhur shorti. Punonjësja sqaroi, se nga 2021-shi deri në 2024-ën, çështja ka kaluar në duart e tre gjyqtarëve të ndryshëm, ndërsa Bashkim Çuku ka bërë katër kërkesa. Por sot ai duhet të bëjë një kërkesë të re për përshpejtimin e një date gjykimi.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑