Marsela Pushani plagosi për vdekje të motrën, Amanda Pushani këtë të diel në Tiranë.

Kjo e fundit ishte e papunë dhe vuante nga problemet me alkoolin. Sipas dëshmisë së 40-vjeçares viktima kishte shkuar e dehur në shtëpi në momentin që ndodhi krimi dhe kishte disa shishe birrë në dorë.

Siç tregoi Marsela ato po debatonin pasi po i kërkonte llogari për gjendjen e saj duke qenë se kishin rënë dakord që s’do pinte më. Ishte Amanda ajo që kishte marrë thikën në dorë dhe duke tentuar t’ja hiqte ajo e kishte plagosur për vdekje.

Dy motrat jetonin me të ëmën në shtëpi dhe të dyja planifikuan të fshihnin krimin duke thënë se vdekja erdhi për shkaqe natyrale.