Pëllumb Dylmishi në Portëz Fier, tregon, se e ka shtëpinë prej më shumë se 20 vitesh. Në vitin 2016 ka filluar procedurat e legalizimit dhe ka kuptuar, se në hartë shtëpia e tij dilte në truallin e komshiut. Ai thotë, se prej 5 vitesh nuk po zgjidhet cështja dhe prandaj është drejtuar në “Stop”. Ka dërguar shkresa në Drejtorinë vendore dhe në Drejtorinë e Përgjithshme, por ende s’ka marrë zgjidhje. Ne iu drejtuam Kadastrës dhe na u tha, që gabimi është bërë nga njësia administrative, por me dakordësinë e qytetarëve, ky problem do të zgjidhet.Sot, që flasim, palët janë paraqitur në drejtorinë e Kadastrës, kanë dhënë dakordësinë e tyre dhe janë në pritje të finalizimit.