Mos e llogaritni Bill Gatesin si adhurues të kriptomonedhave dhe NFT-ve.

Këto tendenca të aseteve dixhitale janë “100 për qind të bazuara në teorinë e budallait më të madh”, tha bashkë-themeluesi i Microsoft, duke iu referuar nocionit se investitorët mund të fitojnë para në asete të pavlera ose të mbivlerësuara për sa kohë që njerëzit janë të gatshëm t’i ofrojnë ato.

Ai u tall me Bored Apes NFT, duke bërë shaka se “imazhet dixhitale të shtrenjta të majmunëve” do ta “përmirësojnë jashtëzakonisht botën”.

Në vend të kësaj, Gates tha se ai preferon investime sipas modës së vjetër, “unë jam mësuar me klasat e aseteve, si një fermë ku ata kanë prodhim, ose si një kompani ku prodhojnë produkte”, deklaroi miliarderi.

Komentet e Gates vijnë teksa bitcoin dhe kriptovalutat e tjera kanë humbur në vlerë. Bitcoin arriti nivelin më të lartë të të gjitha kohërave prej 69 mijë dollarë në nëntor të vitit 2021.

Që atëherë, kriptomonedha më e vlefshme në botë ka humbur dy të tretat e vlerës së saj, duke rënë nën 21 mijë dollarë. Ajo ka humbur rreth 25 për qind të vlerës së saj që nga e premtja.

Exchange Crypto Coinbase njoftoi se po pushon 18 për qind të punonjësve të tij pasi tregu i monedhës dixhitale vazhdon të humb terren.

Në një intervistë të vitit 2021 me Bloomberg, Gates tha se nuk është asgjë për Elon Musk dhe Tesla të investonin në bitcoin, por kjo nuk do të thotë se investitorët mesatarë duhet të ndjekin atë rrugë.