Drejtuesi Politik i Partisë Socialiste në Korçë, Niko Peleshi, gjatë një takimi të zhvilluar më banorë atje, premtoi se në katër vitet e ardhshme të mandatit të tretë, PS do të marrë një projekt madhor të ngrohjes me gaz të qytetit.
Tani ka ardhur radha e investimeve të mëdha. Ka ardhur radha që të jetësojmë ambicie që ka lidhje jo vetëm me kushtet e banimit dhe jetesës por edhe me ekonominë e qytetit sepse është kursim. Dhe këtu e kam fjalën për ngrohjen. Po punojmë me bashkinë, me ministrinë e Infrastrukturës dhe Energjisë, me Bankën Europiane për Zhvillim për projektin e ngrohjes me gaz të qytetit.
Po ashtu, ai nuk hezitoi të sulmojë edhe LSI-në, për të cilën tha se do të shkrihet pas datës 25 prill.
Është një parti pa ofertë, e kam fjalën për Lëvizjen Socialiste për Integrim. Një parti që peshkon vota duke blerë varfërinë e njerëzve.
Tani kanë shkuar për fundi. Pas datës 25 prill nuk do të ekzistojnë më si parti dhe kjo është arsyeja pse ai personazhi qesharak i tyre del dhe akuzon si i çmendur njerëzit që punojnë me ne, ditën jo natën si ata.”
