“Stop” sjell një kamera të fshehtë, që tregon, sesi pak ditë më parë, një student pagoi para nën dorë, për një dhomë konvikti në Qytetin Studenti. Përveç se 3 muaj paradhënie për dhomën, studenti pagoi edhe 50 mijë lekë të vjetra nën dorë administratorin e konviktit. Në fund ai arriti të sigurojë dhomën 301 të godinës 14, ku do të jetonte bashkë me një tjetër të ri të punësuar.

Pas lajmit të publikuar, Drejtoria e Rezidences Studentore Universitare nr. 1 në “Qytetin Studenti” ka shkarkuar menjëherë administratorin e konviktit Ergi Xhabrahimi.

Gjithashtu, kjo drejtori bën me dije se, po sot, është depozituar një kallëzim për ndjekje penale në organet përkatëse, ndaj administratorit të shkarkuar për shkelje të rënda.