Kamera e fshehtë e emisionit “Stop” tregon, sesi blihet punimi për diplomë universiteti në sistemin “bachelor”, duke paguar 180 mijë lekë të vjetra.Një studente për Drejtësi Penale bie në kontakt përmes facebook-ut me një grup prej 5 të rinjsh, që bëjnë punime diplome. Studentja takohet me ta, bien dakord për temën “krimi në familje” dhe paguajnë 50 mijë lekë paradhënie. Pas dy javësh tema e diplomës është gati dhe paguhet edhe shuma e mbetur. Studentja kërkon, që punimi të mos jetë plagjiaturë, por të jetë serioz, pasi disa pedagogë mund ta lexojnë me detaje.Ajo kërkon të marrë të paktën notën 8 nga ky punim.