“Stop” është ndalur në rrugën “Don Bosko” në Tiranë,për një problem të ushtarakut Luan Nikollari. Ai tregon, se mori një kredi të butë dhe bleu apartament në këtë zonë. Por pas 5 vjetësh, që jetonte aty,përmbarimi i kërkoi të dalë e të lirojë shtëpinë, pasi i përket të zotit të truallit, Gent Bardhoku, në bazë të një kontrate, që ky i fundit ka bërë me ndërtuesen Drita Daci.Zoti Bardhoku tregon, se ai është i pari, që lidhur kontrata me ndërtuesen, por tani është gjendur përballë konflikteve me qytetarët, të cilët kanë blerë apartamentet, që i takojnë atij.Gjykata i ka dhënë të drejtë pronarit të truallit, por tani konflikti social, është i pazgjidhur.”Stop” kontaktoi edhe me ndërtuesen, por ajo vetëm shmangej dhe nuk dha një përgjigje për manovrat në kurriz të qytetarëve. Cuditërisht ndërtuesja Drita Daci, vijon e qetë jetën e punën, pa i hyrë gjemb në këmbë.
\
Sot përkujtohet 29 vjetori i rënies së Murit të Berlinit, që shënoi dhe bashkimin e dy Gjermanive.Në Tiranë parlamenti diskutoi një projekt-rezolutë për hapjen e negociatave me Bashkimin Europian.Kryeministri Rama u shpreh, se kur do të bësh krushqi me një familje, e cila pasi i ke plotësuar 3 kushtet, të shton dhe 9 të tjera, tregon se ajo familja nuk është gati për të bërë krushqinë.
Në fillim të sezonit veror, “Stop” transmetoi problemin e mungesës së dezinfektimit nga insektet në zonat bregdetare. Aso kohe, ISHP nisi procedurat për dezinsektimin e zonave bregdetare nga mushkonjat.Pas denoncimeve për korrupsion në strukturën e posacme pranë kryeministrisë, ministrja e Drejtësisë Etilda Gjonaj, konstatoi shkeljet dhe rekomandoi anulimin e tenderit dhe shkarkimin e 8 punonjësve të ISHP-së.Por rekomandimet e saj nuk u zbatuan kurrë. Turistët gjatë gjithë verës u ankuan, se nuk gjetën qetësi nga insektet, as në plazh e as në gjumë.Por situata është kthyer sërish në pikën 0, pasi tenderi për këtë procedurë ka pika të dyshimta e dezinfektimi mund të bëhet në dimër.
